Novas

luns, 16 de abril de 2018

Aquí vai un petisco da nosa axenda cultural para esta semana

Aínda estades a tempo de ver ao gran gran Vinicio Capossela no Son Aloumiños deste sábado e ao Domingo de Cine do Día da Danza con dúas proxeccións de balde Entradas esgotadas para 'Somos Criminai's, a comedia de Carlos Blanco e Touriñán


Aquí vai un petisco da nosa axenda cultural para esta semana

- AXENDA CULTURAL -


MARTES 17: OBRADOIRO DESCUBRINDO O TEATRO 

 


 



VENRES 20: BIBLIOTECA MUNICIPAL DA PRAZA DE ESPAÑA

RETIRADA DE CONVITES DESDE ESTE LUNS 16




 

AUDITORIO

 
 

MAYUMANA - Rumba!
Venres 20 abril 2018 - 21:00h
Sábado 21 abril 2018 - 18:00 e 21:00h
Domingo 22 abril 2018 - 18:00h
20€ / 25€ / 30€ / 35€



 

 

TEATRO JOFRE

 
 

SOMOS CRIMINAIS
Venres 20 abril 2018 - 20:30h e 23:00h
ENTRADAS ESGOTADAS


Temos unha cultura criminal propia? Delinquimos como galegos? Para responder a estas preguntas, Carlos Blanco e Touriñán analizan e dramatizan crimes autóctonos en todas as súas variables, desde o crime por arroutada ata o crime por acumulación de mala hostia, pasando polo crime familiar por causa das herdanzas, o asasinato por suxestión ou as orixes do narcotraficante galego.  A conclusión é clara: Somos Criminais.
 

 

TEATRO JOFRE

 
 

VINICIO CAPOSSELA - Son Aloumiños
Sábado 21 abril 2018 - 21:00h
8€ anticipada / 10€ billeteira


A pesar de ser italiano, Vinicio Capossela naceu en Hannover, fillo de pais orixinarios de Irpinia, ao sur de Italia. E aínda que sexa un cantautor, compositor e multiinstrumentista recoñecido tanto no seu país como no estranxeiro, o musical non é o único talento dun artista que tamén é poeta, escritor e, segundo como, ilusionista e home espectáculo.

Non é casualidade que, no seu momento, The New York Times o considerase o músico máis intelixente e máis excéntrico de toda Italia. El mesmo defínese como un "entertainer fantasmagórico" que nos primeiros tempos da súa carreira traballou no teatro e que tamén fixo incursións no xénero televisivo.

A literatura (de Melville a Céline e de Dante a Homero) foi unha das grandes fontes de inspiración deste artista case renacentista con conexións co cinema e a radio. Amante das músicas de raíz e dos sons de sempre, dedicou un disco, Rebetiko Gymnastas, a este estilo musical grego e, en 2013, mesmo produciu e liderou unha xira da Banda della Posta, un grupo de músicos de idade avanzada de Irpinia dedicados á música nupcial.

Agora, dedica o seu último traballo, Canzoni della cupa, á terra dos seus pais. É un traballo dobre formado polos discos Polvere e Ombra. E se no primeiro se mergulla na tradición musical propia do sur de Italia e penetra nun mundo folclórico, rural, mítico e mitológico, no segundo, protagoniza unha experiencia de folk global na que colaborou con artistas que van dos míticos Calexico a Fraco Jiménez, pasando pola folclorista italiana Giovanna Marini.
 

 



 

 
 




E RECORDA...


DOMINGOS A ESCENA

Todos os domingos ás 19:00 horas

Entrada de balde

Centro Cívico de Caranza

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar