Novas

martes, 03 de outubro de 2017

FERROL, NARÓN E NEDA MANCOMUNARÁN A RECOLLIDA DO LIXO PARA AFORRAR CUSTOS A VECIÑANZA E MELLORAR A XESTIÓN

Un estudo técnico conclúe que o custo dun servizo compartido por habitante e ano dos 9 concellos sería de 48,84 euros, cun aforro dun 12% Tamén pon de manifesto a diferencia nos custos salariais entre concellos e a necesidade de optar por outro modelo Os concellos de Ferrol, Narón e Neda serían os primeiros que poderían optar polo novo modelo, ao que se sumarían o resto a medida que expiren as súas concesións


Ferrol, 3 outubro.- O pleno da Mancomunidade, con carácter extraordinario, abordou na tarde de hoxe, nunha sesión celebrada as 18:00 na Sala de Alcaldes do Concello de onte, a xestión mancomunada da recollida do lixo nos nove concellos.


Un estudo polo miúdo encargado desde a Mancomunidade a unha consultaría especializada, conclúe que, compartir o servizo, suporía un aforro medio dun 12% para os municipios.

Estima o dimensionamiento dun futuro servizo compartido, con este modelo mancomunado, podería ter un custo de 7,4 millóns de euros (IVE incluído) que se traduce nun custo medio por habitante e ano de 48,84 euros


A opción de mancomunar a recollida do lixo foi abordada en exclusiva como único punto da orde do día celebrado na tarde noite do luns de xeito monográfico. Dentro dos nove concellos que integran este ente supramunicipal, os que estarían mais próximos a poder chegar a un acordo serían os de Ferrol, Narón e Neda, xa que as súas concesións expiran en breve, e terían, a moi curto prazo, que realizar investimentos importantes en maquinaria e colectores pola obsolescencia dos equipos actuais.


Nunha seguinte fase, estarían Fene, Mugardos e Valdoviño, que poderían incorporarse a medio prazo. Nunha terceira (e derradeira) fase estarían Ares, Cabanas e Cedeira.


O estudo pon de manifesto que a calidade e a eficiencia do servizo “é manifestamente mellorable”, que existen “considerables diferencias” nos conceptos salariais entre uns concellos e outros, así como nas fórmulas de contratación do seu persoal, e que na maioría dos Concellos analizados non se manexan datos certos dos custos reais dos servizos.

Nesta liña, apuntan que se confunde frecuentemente o custo dos servizos co que se lle paga a empresa concesionaria, xa que dan conta de casos nos que se aboan servizos fóra de contrato ao empregar recursos da limpeza viaria, tamén existen subcontratos para acometer o lavado de colectores ou ben, realízase o mantemento de equipos con recursos doutras areas municipais, ademais de que utilízan instalacións municipais ou simplemente non dispoñen de instalacións.

O estudo é claro ao concluír que todos eses custos tamén deberían formar parte do custo global do servizo de recollida.

Achegamos os datos dun posible servizo mancomunado:


POBOACIÓN TM/AÑO* SUPERFICIE % SOBRE ACHEGA


ARES 5.672 2.235 18,31 3,77% 281.606

CABANAS 3.259 1.284 30,32 2,67% 199.081

CEDEIRA 6.997 2.757 46,23 5,25% 391.902

FENE 13.250 5.221 26,29 8,40% 626.809

FERROL 68.308 26.913 82,7 41,98% 3.131.934

MUGARDOS 5.335 2.102 12,77 3,44% 256.492

NARON 39.426 15.534 66,9 24,72% 1.843.775

NEDA 5.197 2.048 24,5 3,65% 272.564

VALDOVIÑO 6.650 2.620 88,22 6,11% 455.837


Total………. 154.094 60.713 396,24 1 % 7.460.000


Os alcaldes manifestaron hoxe o seu desexo de camiñar nesa dirección, fundamentalmente o núcleo formado polos rexedores de Ferrol, Narón e Neda, pola urxencia de buscar unha nova fórmula, e iniciar un proceso de mancomunización da recollida do lixo a que se irían adherindo o resto de municipios da contorna a medida que venzan as súas concesións.

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar