Novas

luns, 02 de setembro de 2019

Máis de 10.500 persoas pasaron polas oficinas de turismo en xullo e agosto

Arredor de 2.500 dos visitantes eran estranxeiros


Un total de 10.635 persoas pasaron polas oficinas de turismo de Ferrol durante os meses de xullo e agosto, segundo os datos das dúas dependencias da cidade, situadas no Porto de Curuxeiras e Praza de España. En concreto, foron 4.140 e 6.495, respectivamente. 
Do total, durante o primeiro mes do verán realizaron consultas sobre turismo 2.976 persoas procedentes de outros puntos de España, 914 do estranxeiro e 250 da zona de Ferrol. En agosto, fixérono 4.529 españois, 1.497 estranxeiros e 469 locais. Neste senso, italianos, alemáns, portugueses e franceses son quen máis nos visitaron. Por comunidades, madrileños, andaluces e valencianos.
As mulleres gañan por pouco aos homes en número de visitas, con 2.118 en xullo e 3.259 en agosto. En canto ás idades, a franxa maioritaria en ambos os meses é a de entre 31 e 60 anos, segundo recollen os datos das oficinas de turismo. Dos máis de 10.500 visitantes, ao menos 3.119 pasaron a noite na cidade, máis de 1.400 en xullo e máis de 1.600 en agosto. Pola súa parte, peregrinos foron 1.425 en xullo e 2.040 en agosto.
Por último, entre os principais motivos que traen visitantes á cidade están a nosa riqueza patrimonial, os nosos museos, o roteiro por as Rías Altas, a natureza, as praias, as festas e a gastronomía. 

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar