Novas

xoves, 03 de outubro de 2019

O Concello inicia unha nova edición do Club de Lectura de Poesía na Biblioteca con poemas de Amiri Baraka

As reunións celebraranse unha vez ao mes ata xuño e a primeira terá lugar o próximo luns ás 19.30 horas


O Concello inicia unha nova edición do Club de Lectura de Poesía na Biblioteca con poemas de Amiri Baraka

O Concello de Ferrol pon en marcha unha nova edición do Club de Lectura de Poesía da Biblioteca municipal, na praza de España. Arranca así unha serie de sesións entre os meses de outubro, e a primeira delas será o próximo luns, 7 de outubro, ás 19.30 horas, na aula Audiovisual, no terceiro andar. Nesta ocasión leranse poemas de Amiri Baraka, un dos grandes poetas da xeración beat afroamericana.  
As citas serán unha vez ao mes e xa están programadas as lecturas de todo o curso. O 18 de novembro será a quenda de Antonio Ramos; o 16 de decembro, Frank O’Hara; 20 de xaneiro, Cora Coralina e Sharon Olds; o 17 de febreiro, Ida Vitale; 16 de marzo, Margarite Yourcenar; 20 de abril, Carvalho Calero e Josep Brodski, e o 18 de maio leranse poemas de Charles Simic e Henry Michaux. 
 

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar