Novas

venres, 04 de outubro de 2019

A Sociedade Mixta de Turismo aproba o nomeamento dos novos integrantes do consello de administración

O alcalde, Ángel Mato, terá o cargo de presidente, mentres que a concelleira María Teresa Deus, será vicepresidenta


A Sociedade Mixta de Turismo aproba o nomeamento dos novos integrantes do consello de administración

 A xunta de accionistas da Sociedade Mixta de Turismo de Ferrol reuniuse esta mañá no pazo municipal para realizar o nomeamento dos novos membros do consello de administración, que pasa a estar presidido polo alcalde, Ángel Mato. Como vicepresidenta figurará a partir de agora a concelleira María Teresa Deus, que ostenta dentro do goberno municipal de Ferrol, entre outras competencias, a de Turismo. 
Completan o consello de administración Emilio Vázquez Rey, como secretario, e os vocais María del Carmen García Fraga, Jesús Basterrechea López, María do Mar López González, María del Carmen Fernández Dopico, Eduardo Hermida Dopico e José Fernández Servia. 
Esta primeira xuntanza tras as eleccións municipais serviu tamén para empezar a definir algunhas estratexias de cara aos próximos anos, nas que a Sociedade Mixta quere contar coas aportacións de todos os actores implicados no turismo. Tamén se abordou a promoción do Camiño Inglés de cara ao ano xacobeo, na que se pretende facer especial fincapé. 

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar