Novas

luns, 11 de maio de 2020

A Mancomunidade fai un chamamento á responsabilidade da cidadanía para non dar pasos atrás na loita contra a covid-19

Os representantes dos concellos da comarca anuncian que as forzas de seguridade intensificarán a vixilancia para evitar incumprimentos das condicións da fase 1 da volta á normalidade


A Mancomunidade fai un chamamento á responsabilidade da cidadanía para non dar pasos atrás na loita contra a covid-19

A Mancomunidade de Concellos da Comarca de Ferrol celebrou esta tarde unha reunión telemática na que os representantes dos nove municipios (Ares, Cabanas, Cedeira, Fene, Ferrol, Mugardos, Narón, Neda e Valdoviño) acordaron facer un chamamento á responsabilidade da cidadanía nesta fase 1 do retorno á normalidade. Os alcaldes piden que se cumpran as medidas establecidas polas autoridades para que non se malogre a tendencia á baixa nos casos de covid-19. 


Tamén informaron de que durante os próximos días se van redobrar esforzos por evitar condutas de risco e que estean prohibidas, ao tempo que quixeron valorar a actitude da maior parte da poboación, que está seguir as indicacións dunha maneira estrita, fronte aos incumprimentos dunha minoría. Como parte deses dispositivos de control, hoxe a Garda Civil identificou en Valdoviño a un total de 50 persoas. 

Segundas residencias 
A entidade supramunicipal tamén lembra que as segundas residencias non se poden considerar domicilios, o que implica que aínda que estea permitido visitalas, non o está saír delas para pasear ou facer deporte pola zona. Esas actividades só se poden levar a cabo nas inmediacións da primeira vivenda, no mesmo municipio onde se está domiciliado. 

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar