Novas

sábado, 27 de xuño de 2020

O Concello impulsa a celebración da Batalla de Brión e incluiraa no proxecto europeo MMIAH

Os concelleiros de Promoción Económica e Turismo, María Teresa Deus; de Patrimonio Histórico, Eva Martínez; e de Seguridade, Germán Costoya, mantiveron unha reunión con representantes das asociacións implicadas para concretar os detalles da próxima edición, a finais de agosto


O Concello impulsa a celebración da Batalla de Brión e incluiraa no proxecto europeo MMIAH

O Concello de Ferrol quere recuperar a súa implicación na celebración e posta en valor da Batalla de Brión, que cada mes de agosto recorda o enfrontamento entre tropas británicas e españolas que tivo lugar hai 220 anos nos montes ferroláns. Para elo, os concelleiros de Promoción Económica e Turismo, María Teresa Deus; de Patrimonio Histórico, Eva Martínez; e de Seguridade, Germán Costoya, mantiveron onte unha reunión con representantes da asociación Batalla de Brión, dos veciños de Brión e de San Felipe-San Cristóbal, da asociación cultural e de promoción social Conxeito e Fertur para sentar as bases de cara á organización da próxima conmemoración da batalla, que terá lugar a finais do mes de agosto. Este ano, ademais, cúmprense 220 anos da loita de tropas, para o que o Concello tiña programada unha gran celebración que a crise sanitaria pola covid-19 motivou o seu aprazamento ao verán do ano 2021 e programarase para este 2020 un acto acorde coas restriccións de seguridade. 


A reunión serviu para perfilar dita programación e para avanzar na recuperación por parte do Concello desta celebración. “A nosa vontade”, dixo a concelleira de Promoción Turística, “é aumentar a nosa participación nunha festa que consideramos de especial importancia para lograr a posta en valor do noso patrimonio”. É un gran “recurso turístico” que vai a contar “co apoio deste equipo de goberno”, rematou.  

Ferrol, líder do proxecto europeo 
Tras a reunión de onte a concelleira anunciou que o Concello incluirá a celebración da Batalla de Brión no MMIAH, o proxecto europeo liderado por Ferrol sobre a recuperación e valorización do patrimonio marítimo, militar e industrial do litoral do Espacio Atlántico cofinanciado pola Unión Europea e o FEDER. Ten como obxectivo a posta en valor do litoral urbano da área atlántica a través da recuperación de bens en desuso asociados ao patrimonio militar, marítimo e industrial das cidades costeiras, facilitar o uso social dos mesmos e xerar actividades de valor engadido en torno a eles co fin de promover o turismo cultural como factor de sostenibilidade económica das cidades. 

Con motivo da Batalla de Brión celebraranse actividades acordes co fin do MMIAH, entre as que se inclúe a elaboración dun vídeo promocional que se dará a 




Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar