Web Municipal do Concello de Ferrol

Inicio Concello De actualidade Novas

Comparte esta páxina

xoves, 05 de novembro de 2020

Alumnos de artes gráficas do IES Leixa participan no deseño da campaña municipal do 25N

A concelleira de Muller e Igualdade, Cristina Prados, informou hoxe aos grupos da oposición na comisión ordinaria da área da programación do Concello para conmemorar o Día Internacional da Eliminación da Violencia contra a Muller. Repartiranse 2.000 máscaras protectoras co lema da iniciativa, 500 calendarios e 2.000 chapas co fin de visibilizar a loita contra a violencia de xénero entre a poboación

A concelleira de Igualdade e Muller, Cristina Prados, informou esta mañá aos grupos da oposición na comisión ordinaria de Benestar Social, Igualdade, Muller, Xuventude e Patrimonio Histórico da programación para conmemorar o próximo 25 de novembro o Día internacional da eliminación da violencia contra a muller. A concellería que dirixe Prados programou unha serie de actividades que finalmente víronse afectadas polas restricións das últimas datas ditadas polas autoridades sanitarias, polo que finalmente o Concello celebrará o 25N coa posta en marcha dunha campaña de concienciación para a que se contou coa participación dos alumnos de artes gráficas do IES Leixa de Ferrol. A iniciativa inclúe a distribución entre a poboación de ao redor de 2.000 máscaras protectoras, 500 calendarios con frases en prol da igualdade e 2.000 chapas. Poderán retirarse na Casa da Muller previa chamada ao 981 944 124.

Ademais, entre os días 22 e 29 iluminarase de cor violeta a fachada do Teatro Jofre e a fonte do Cantón.

Prados indicou aos grupos da oposición que, en calquera caso, as actividades programadas pola concellería para o 25N, con microteatros e varias representacións, que por mor da pandemia tiveron que ser aprazadas realizaranse máis adiante, cando a situación sanitaria o permita. O traballo, dixo a edil, “está feito, pero agora mesmo protexer aos nosos veciños é nosa prioridade”.

Ferrol, tamén na campaña de Deputación con outros 50 municipios

Ademais da campaña deseñada polo Concello, este ano Ferrol súmase á campaña provincial polo 25N ‘So hai unha forma de mirala, De Fronte, á violencia de xénero’, na que participan máis de 50 municipios co fin de mobilizar á sociedade a través de actividades telemáticas. Os interesados en participar no programa poden inscribirse en defronte.gal.