Novas

martes, 24 de novembro de 2020

O Concello colabora coa asociación Ultramar Village na campaña de promoción do comercio e hostalería ‘Déixate querer’

A iniciativa forma parte das actividades subvencionadas para a reactivación do tecido económico da cidade a través do programa “Ferrol, Cidade Viva”. A promoción comezará o próximo venres, rematará o 20 de decembro e sorteará vales de compra por valor de 5.350 euros


O Concello colabora coa asociación Ultramar Village na campaña de promoción do comercio e hostalería ‘Déixate querer’

O Concello de Ferrol colabora coa asociación multisectorial Ultramar Village na nova edición da campaña ‘Déixate querer por Ultramar’, unha iniciativa que forma parte das actividades subvencionadas para a reactivación do tecido económico da cidade no marco do programa municipal ‘Ferrol, Cidade Viva’. 


A promoción consiste no sorteo de vales de compra por valor de 5.350 euros entre a clientela dos establecementos que integran a asociación. Para participar é necesario facer un gasto en calquera deles —tanto de comercio como de hostalería— entre o 27 de novembro e o 20 de decembro (ambos incluídos). Ata 20 euros de gasto suporá unha participación, de 20 a 50 euros se lograrán dúas e con máis de 50 euros se lograrán tres. Cada un dos 30 locais participantes sorteará un vale de 150 euros entre a súa propia clientela para trocar no propio local. Ademais, haberá un súper vale de 1.000 euros que se sorteará entre todas as persoas participantes na campaña e que deberá ser trocado nun mínimo de cinco asociados. 

Unha trintena de negocios participantes 
A listaxe completa de participantes pode consultarse en http://bit.ly/UltramarVillageAsociados. Son AK Anukas Beleza e Sol, Algodón Azul, Casa Juan, Cassa Interiorismo, Decoraciones JP, Empatía Hair & Beauty, Federópticos Begoña Lorenzo, Frutería La Plaza, Gimnasio Bitácora, Kids & Us School of English, La Hamburguesería de Ultramar, La Pelu de Beti, Librería Ultramar, Loureda Joven, M y D Asesores de imagen, Mesón A Canfurnada, Mesón Alfonso, Mesón Mateo, Mesón O Pazo, Imprenta Mundograf, Neumáticos Ultramar, Pastelería e Cafetería Valencia, Peluquería Antares, Peluquería Ethereal, Peluquería Nova, Penda's 130, Puro Gusto, Taberna O Trisquel, UXA Moda e Vintage Café. 

Unha liña de axudas de 150.000 euros 
O programa deseñado polo Concello de Ferrol ‘Ferrol Cidade Viva’ contemplou para este ano unha liña de subvencións para impulsar este tipo de actividades co fin de de reactivar o tecido económico da cidade. O importe total das axudas ascendeu a 150.000 euros, dos que cada entidade optou a un máximo de 25.000 para cubrir ata o 80 % do orzamento dos gastos subvencionables.

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar