Novas

martes, 05 de xaneiro de 2021

A obra do noiro da rúa Loureiro rematará no mes de febreiro

O alcalde, Ángel Mato, e o concelleiro de Urbanismo, Julián Reina, visitaron esta mañá a evolución dos traballos xunto con representantes veciñais do barrio de Santa Mariña. O edil responsable da área constituíu a finais do pasado ano unha mesa de coordinación para levar a cabo a intervención, que desenvolve de forma conxunta Adif e Emafesa


A obra do noiro da rúa Loureiro rematará no mes de febreiro

O alcalde de Ferrol, Ángel Mato, e o concelleiro de Urbanismo, Julián Reina, visitaron esta mañá a evolución dos traballos no noiro da rúa Loureiro, no barrio de Santa Mariña, que desde hai anos sufría problemas de desprendemento pola falta dun muro de contención. 


O edil responsable de Urbanismo constituíu a finais do pasado ano unha mesa de coordinación co fin de “buscar unha solución consensuada a un problema que arrastra o barrio desde hai moitos anos”, polo que “traballamos de forma conxunta con Adif e Emafesa para por fin resolver a situación da mellor forma posible”. Reina anunciou esta mañá que a obra estará rematada a finais do mes de febreiro. 

Tras percorrer a zona afectada xunto con representantes veciñais de Santa Mariña, o alcalde explicou que Adif está a executar o muro de contención e o Concello, a través de Emafesa, desenvolve a canalización de augas fluviais da zona alta co fin de evitar desprendementos e mellorar a súa recollida. Posteriormente procederase ao asfaltado de todo o espazo afectado polos traballos. O edil mostrouse “moi satisfeito” pola execución da obra, unha intervención “froito do consenso e da colaboración institucional entre as partes implicadas co único fin de mellorar a nosa cidade”. 

Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar