Das consultas atendidas no exercicio da covid-19 (62.085), un total de 24.244, preto do 40 %, resolvéronse na mesma oficina municipal de forma directa e o resto deriváronse ao departamento correspondente. Das atendidas no ano 2019 (38.145), o persoal da OAC deu resposta a 10.949 chamadas (29 %) e o resto trasladáronse á sección oportuna. Pola súa banda, a concelleira de Obras e Servizos, Ana Lamas, deu conta aos grupos da oposición durante a comisión do número de intervencións desenvolvidas pola cuadrilla municipal ao longo do pasado ano, 456 en total, entre reparacións en edificios municipais, a instalación de sinalización e reparacións en viarios, entre outras actuacións. A edil explicou que estes labores se suman ás que habitualmente leva a cabo o persoal da cuadrilla.