Martínez Montero anunciou que nesta primeira edición se poderá visitar a Estación Naval da Graña, o Casino Ferrolano, a Igrexa e mais o Cemiterio de San Salvador de Serantes, o Pazo do Monte, o Arquivo Intermedio Militar do Noroeste, o Teatro Jofre, as antigas fábricas de Ferrol Vello e a Casa do Concello. 

As quendas das visitas será ás 11, 12, 13, 17 e 18 horas. Tamén ás 19 horas os días 16 e 17. Haberá preto de 360 prazas e cada participante poderá reservar un máximo de 3 visitas para dúas persoas co fin abrir a experiencia ao maior número de veciños. O prazo de inscrición abrirá ás 17 horas do próximo luns, 13 de decembro, a través da páxina web www.patrimonioinvisible.gal. 

O obxectivo desta iniciativa, explicou a edil, é ensinar á poboación “o interior de inmobles habitualmente pechados ao público a través de visitas guiadas de pequenos grupos para que os veciños coñezan inmobles cun valor patrimonial, histórico e cultural único e indiscutible”, e insistiu no “esforzo” que está a facer o goberno local por “incentivar o interese da veciñanza polo diverso patrimonio da nosa cidade”. Con esta I edición da Semana do Patrimonio Invisible Ferrol súmase ás de Santiago de Compostela e Pontevedra, que xa realizaron este evento en 4 e 2 ocasións, respectivamente. Pola súa banda, Abella puntualizou que esta iniciativa abarca o conxunto do municipio posto que oferta visitas tanto a inmobles do centro urbano como do rura