xoves, 02 de xuño de 2022
O alcalde inaugura mañá o curso de verán sobre enerxías renovables do Campus Industrial
Ángel Mato abrirá no salón do Antigo Hospicio o ciclo, que está aberto a empresas e público en xeral. Abordaranse asuntos como a enerxía eólica offshore, a solar e eficiencia enerxética, as enerxías maremotriz e undimotriz, pistas e reflexións sobre a transición enerxética, o hidróxeno verde e a situación actual e futuro das enerxías renovables
O alcalde de Ferrol, Ángel Mato, inaugurará mañá venres, ás 20 horas no salón do Antigo Hospicio, o primeiro curso de verán do Campus Industrial sobre enerxías renovables, que se estenderá ata o 14 de xullo. Celebraranse sesións os días 3, 16, 23 e 30 de xuño e 7 e 14 de xullo, todas ás 20 horas.
Ao longo do curso de verán abordaranse asuntos como a enerxía eólica offshore, a
solar e eficiencia enerxética, as enerxías maremotriz e undimotriz, pistas e reflexións
sobre a transición enerxética, o hidróxeno verde e a situación actual e perspectivas de
futuro das enerxías renovables.
O ciclo está aberto a empresas da contorna e ao público en xeral e as persoas
interesadas poden obter máis información no número de teléfono 881 013 621.
