Novas

mércores, 08 de xuño de 2022

Ángel Mato destaca no Cesena que Ferrol está “nunha posición envexable” en canto á eólica mariña, tanto fixa como flotante

O alcalde ferrolán participou esta mañá na Xornada ‘Tendencias e Soluciones digitales para el sector naval’. Apuntou que na “investigación e innovación, no desenvolvemento das novas tecnoloxías e na retención do talento está o futuro de Ferrol, o futuro industrial da construción naval e o futuro de España como país altamente competitivo neste sector”


Ángel Mato destaca no Cesena que Ferrol está “nunha posición envexable” en canto á eólica mariña, tanto fixa como flotante

O alcalde de Ferrol, Ángel Mato, participou esta mañá na Xornada ‘Tendencias y soluciones digitales para el sector naval’, que tivo lugar no Cesena, o Centro de Excelencia do Sector Naval, en Ferrol, onde resaltou a súa función como centro “tecnolóxico e vital” para unha “cidade referente dentro do sector naval español”. Na “investigación e innovación, o desenvolvemento das novas tecnoloxías e a retención do talento está o futuro de Ferrol, o futuro industrial da construción naval e o futuro de España como país altamente competitivo neste sector”. Que o Cesena se instalara en Ferrol, lembrou, “era algo irrenunciable”. 


A xornada reuniu a expertos nacionais e internacionais no sector naval. Na súa intervención, o alcalde ferrolán insistiu na necesidade de que a iniciativa público-privada xunto cos centros universitarios e de formación “traballen unidos tamén para proporcionar os coñecementos máis actuais aos futuros profesionais”. 

Sobre o Proxecto Estratéxico para a Recuperación e Transformación Económica para a Industria Naval, o Perte Naval, recentemente aprobado en Consello de Ministros, Mato lembrou que é un pilar “decisivo” no camiño da “dixitalización e sostenibilidade do sector cunha estratexia basada no crecemento económico, no emprego e a competitividade”. É, dixo, unha “oportunidade magnífica, histórica”, para manter o “liderazgo da nosa industria”. 

O alcalde resaltou que a transformación dixital fará nosa industria “máis eficiente, xerará máis emprego —emprego de calidade —, e outorgará maior formación”. Todo elo “acompañado da diversificación, sobre todo alienada coa transición enerxética, insistindo nas capacidades que o naval desenvolveu durante os últimos anos respecto á eólica mariña. “Nesta decidida aposta España, e dun modo moi destacado Ferrol, é un referente”. Neste punto, Mato lembrou que esta mesma semana presentou ao secretario xeral de Industria e da PEME do Ministerio de Industria, Comercio e Turismo, Raúl Blanco, xunto a responsables de Nervión Naval Offshore o proxecto de planta de ensamblaxe de estruturas de eólica mariña que a empresa ten proxectado na cidade de Ferrol.

“Ferrol está nunha posición envexable en canto á eólica mariña, tanto fixa como flotante”, reiterou Mato, e apostou pola implantación nas costas españolas dun parque eólico offshhore. Temos “un excelentísimo recurso” e todas as administracións “deben traballar para que a través destes dispositivos podamos ensinar ao mundo o noso bo facer”. “Estamos ante un gran momento de oportunidades”, apuntou. 






Utilizamos cookies propias e de terceiros para mellorar a experiencia de navegación, e ofrecer contidos personalizados. Ao continuar coa navegación entendemos que se acepta a nosa política de cookies.

Pechar