mércores, 03 de maio de 2023
A exposición de traxes e complementos confeccionados para o III Festival Ilustrado de Ferrol estará aberta ao público desde esta tarde ata o día 31 de maio
Pode visitarse no centro cívico de Caranza de 10.00 a 13.30 horas e de 17.00 a 21.00 horas, de luns a venres
A exposición de traxes e complementos deseñados e confeccionados para o III Festival Ilustrado, que se celebrou a mediados de abril, estará aberta ao público desde esta tarde, ás 20.00 horas, ata o día 31 de maio no centro cívico de Caranza.
Inclúe arredor de 80 traxes ilustrados e numerosos complementos deseñados e
elaborados no taller de costura desenvolvido previamente ao festival. A exposición
tamén conta con outros elementos decorativos realizados no centro de día do barrio e
unha vintena de fotografías da cita tomadas polos alumnos do IES Saturnino Montojo.
O horario para visitar a exposición, que se desenvolve en colaboración coa
asociación veciñal de Caranza, será de 10 a 13.30 horas e de 17 a 21 horas, de luns a
venres.
