A biblioteca municipal central de Ferrol, ubicada na praza de España, recupera a partir deste mércores, 6 de setembro, o horario de mañá e de tarde; un servizo que se suprimiu desde antes da pandemia e que quedou limitado ao horario de mañá.

Agora, a biblioteca central abrirá as súas portas de 09.00 a 14.00 horas e de 17.00 a 21.00 horas e, a partir do 1 de outubro, en horario ininterrompido de 09.00 a 21.00 horas.

Asimesmo, o persoal da biblioteca traballa para recuperar algúns servizos relacionados co uso de dispositivos tecnolóxicos e dixitais, ademais de na programación de actividades puntuais ata final de ano.

Esta ampliación de horario efectúase gracias á contratación de sete profesionais -auxiliares de biblioteca- a través dos fondos provinciais PEL Reactiva.

Os novos traballadores incorporáronse xa o pasado venres para unha breve formación e coñecemento do seu espazo laboral.