O alcalde de Ferrol, José Manuel Rey Varela, recibiu esta mañá aos representantes da asociación ACOF Centro Comercial Aberto Ferrol-A Magdalena, con quen mantivo unha reunión de traballo.

O obxectivo do encontro, ao que asistiu a xerente do colectivo, Belén Pérez, e o presidente, Olegario Álvarez, foi o de avanzar nun conxunto de medidas enfocadas a dinamizar o comercio na cidade.

Os representantes da asociación achegaron ao alcalde unha serie de propostas nese ámbito.