| Necesidades |
A súa necesidade, obxecto e características veñen recollidas no informe do Coordinador de Seguridade que figura neste expediente:
“1. XUSTIFICACIÓN. Como temos sinalado no informe de necesidade inicial cara á subscrición á normativa indicada recordamos que UNE é o organismo de normalización español en: ISO, IEC, CEN, CENELEC, ETSI e COPANT. Dito organismo contribúe ao desenrolo da economía a través da elaboración de normas técnicas e actividades de cooperación internacional.
UNE é o único Organismo de Normalización en España, designado polo Ministerio de Economía, Industria e Competitividade ante a Comisión Europea. Coas súas actividades impulsa o desenrolo das infraestruturas de calidade, promovendo a transferencia de coñecemento. Dita designación vén recollida no Regulamento de Infraestruturas para a Calidade e a Seguridade Industrial (Real Decreto 2200/1995) e no Regulamento (UE) 1025/2012 sobre Normalización Europea.
Os documentos normativos UNE son un conxunto de normas, normas experimentais e informes creados polos Comités Técnicos de Normalización da Asociación Española de Normalización.
As normas UNE son por definición voluntarias; sen embargo, a administración competente pode mediante lei, decreto ou regulamento esixir o seu cumprimento.
As normas UNE relacionadas coa seguridade e a calidade son de obrigado cumprimento no mesmo momento no que aparecen reflexadas no BOE. O Real Decreto 513/2017, do 22 de maio, polo que se aproba o Regulamento de instalacións de protección contra incendios establece ... o apéndice do anexo I inclúe un listado de norma UNE de obrigado cumprimento.
As modificacións posteriores deberán ser obxecto de actualización no listado de normas mediante resolución da Dirección Xeral de Industria.
O acceso ás normas UNE é prioritario para o departamento de seguridade. Non ter acceso ás mesmas encóntrase ao mesmo nivel que non ter acceso á normativa do BOE ou do DOGA. Así mesmo, dita contratación é idónea para que o departamento poida realizar o seu traballo con garantías de ter os coñecementos normativos actualizados de xeito constante.
2. OBXECTO DO CONTRATO. Subscrición á normativa UNE, polo período de un ano (ano 2022) a través da Asociación Española de Normalización.
3. CARACTERÍSTICAS TÉCNICAS DO SERVIZO. O servizo constará das seguintes características:
a) Colección completa de normas UNE en modalidade lectura.
b) Colección aberta de 30 normas UNE en modalidade descarga.
c) Un usuario simultáneo.
d) Período de subscrición – 12 meses. |
