Arlequina

Sobre o escenario, unha mestura de traballo actoral, marionetas, música e maxia. Para celebrar os seus 40 anos de traxectoria, a compañía Monicreques de Kukas partiu da sinxeleza dunha boneca debuxada nun papel de xornal á procura da súa identidade e construíu un extraordinario espectáculo. Arlequina é a personaxe principal e conta coa axuda de Marchelino, un vello e estrafalario artista nesa viaxe que será unha aventura trepidante.