Pink Unicorns

A compañía de Caterina Varela e Alexis Fernández chega a Ferrol co seu último espectáculo. Pink Unicorns pon sobre o escenario a un home e o seu fillo adolescente: a experiencia fronte á enerxía e á creatividade. Alexis Fernández, galego de orixe cubana, asume o reto de bailar cun compañeiro que non pode ser máis próximo, Paulo, que aporta á danza a súa perspectiva "millennial".