Natasia Zürcher

A vocalista e compositora galego-suiza Nastasia Zürcher presenta neste elegante espectáculo musical unha fusión e reinterpretación en ton íntimo do seu repertorio, baseado tanto nos discos xa publicados como nos temas adiantados do seu novo álbum estreado a comezos de 2022. Neste formato acústico a dúo, voz e piano, acompañada polo seu produtor e arranxista Adrián Saavedra, agasallan cunha música variada en estilos, pasando do neo soul ao pop-folk de autor, ate chegar a sons inspirados noutras culturas e músicas do mundo.