No outono de 2021 a Concellería de Cultura impulsou a celebración dun obradoiro de creación audiovisual e mapeo dixital arredor da memoria (industrial, veciñal e dos lugares) de Ferrol.

Tomando estas temáticas como fío conductor, as participantes aprenderon a realizar vídeos sinxelos (como medio para recoller a memoria) e a debuxar -neste caso a historia local- nun mapa dixital.

O taller respondeu á vontade do proxecto Cóntame Ferrol de facilitarlle a cidadanía o acceso a coñecementos e experiencias que incrementen as súas destrezas dixitais, neste caso orientadas á creación de contidos.

O resultado final deste obradoiro foi un mapa. Os itinerarios e puntos de interese que poderás ver nel foron aportados polas participantes tras un proceso de investigación persoal. Os contidos textuais, fotográficos e audiovisuais  foron creados no proceso de aprendizaxe e experimentación desenvolvido no taller.

  • Momento da sesión sobre mapeo do territorio, impartida por María Masaguer. A actividade, que se celebrou de maneira presencial no centro cívico de Canido. encádrase dentro do o obradoiro de creación audiovisual e mapeo dixital do proxecto Cóntame Ferrol.
  • Tres persoas traballan sobre un mapa en tamaño A1 de Ferrol situando puntos de interese arredor da memoria local, neste caso industrial. A actividade, que se celebrou de maneira presencial do centro cívico de Canido, encádrase dentro do o obradoiro de creación audiovisual e mapeo dixital do proxecto municipal Cóntame Ferrol.
  • O docente Roi Guitián, do colectivo Gingko, explica aos participantes do obradoiro de creación audiovisual e mapeo dixital do proxecto Cóntame Ferrol varias cuestións relacionadas coa gravación cun dispositivo móbil.
  • Cinco persoas traballan en grupo, efectuando unha gravación co móbil dunha delas, dentro dunha sesión intensiva de gravación e edición audiovisual. Esta xornada desenvolveuse dentro do obradoiro de creación audiovisual e mapeo dixital do proxecto Cóntame Ferrol.

Podes visitar o mapa da memoria de Ferrol:

Accede aquí ao mapa

Impulsa:

Concellería de Cultura de Ferrol

Contacto:

cultura@ferrol.es