Premios de investigación Concello de Ferrol

Estes premios teñen como finalidade apoiar e impulsar os labores de investigación realizados nalgún dos cinco ámbitos universitarios cos que se relacionan.

Poderanse relacionar xa sexa desde un enfoque estrictamente teórico, a partir da análise de experiencias/feitos concretas/os ou como proxectos de futuro, podendo polo tanto ter unha perspectiva histórica, de presente ou como proxección de futuro.

A convocatoria dos premios terá carácter bianual:

Nos anos pares serán convocados os premios de investigación Ángeles Alvariño e González Llanos.

Nos anos impares serán convocados os premios de investigación Concepción Arenal, Enxeñeiro Comerma e Antonio Usero.

Poderán optar a estes premios e con independencia da súa nacionalidade:

• Persoas de xeito individual: con perfil profesional ou con perfil investigador.
• Equipos ou grupos multiprofesionais que poden estar formados só por profesionais, só por investigadoras/es ou ben por ambos (profesionais e investigadoras/es)

Cada edición de cada premio estará dotada con 10.000 €/premio.

A esta cantidade aplicaráselle as retencións a que houbese lugar en función da normativa tributaria vixente.

As solicitudes poderán presentarse desde o día seguinte ao da publicación do extracto da convocatoria destes premios no Boletín Oficial da Provincia da Coruña.